"Diqlas” ticarət mərkəzində baş verən yanğından dərhal sonra Prezident tərəfindən atılan addım bir daha bütün hallarda dövlət başçısının öz vətəndaşlarının yanında olmasının bariz göstəricisidir”
Bunu "Sherg.az”a açıqlamasında millət vəkili, siyasi elmlər doktoru Hikmət Babaoğlu deyib.
Deputatın sözlərinə görə, bu, bir daha sübut etdi ki, Prezident İlham Əliyev hər bir azərbaycanlının rəhbəridir:
"Azərbaycanda sosial problemlərin həlli ilə bağlı çox böyük işlər həyata keçirilir. Bu işlər sistemli və ardıcıl xarakter daşıyır. Amma bəzən fövqəladə halların baş verməsi nəticəsində yaranan problemlərin operativ həlli də daim Prezidentin diqqət mərkəzindədir.
Bir müddət əvvəl Şamaxı, İsmayıllı və Ağsuda ondan öncə Zaqatala və Baləkəndə baş verən zəlzələ zamanı da zərərçəkənlərin yanında ilk olaraq Prezidenti gördük. Ötən gün ticarət mərkəzində yanğın baş verdi və xeyli sayda sahibkar ziyan çəkdi. Yenə də Prezident öz vətəndaşının yanında oldu. Vətəndaşa belə diqqət və qayğı nümunəsi dünyanın heç bir yerində yoxdur”.
Parlament üzvü vurğulayıb ki, bu addım həm böyük humanizm, həm vətəndaşların yanında olmaq, həm onların problemlərini həll etmək, həm də əslində sahibkarlığa dəstək verməkdir:
"Ticarət mərkəzində çoxsaylı sahibkara məxsus mallar yanıb. Əslində normal vəziyyətdə onlar öz əmlaklrını sığorta etdirməli, belə bədbəxt hadisələr zamanı sığorta şirkətləri onların zərərini qarşılamalı idi. Ancaq Azərbaycanda vətəndaşın çətin vəziyyətində Prezidentin məsələyə birbaşa müdaxiləsi böyük humanizm və vətəndaşların yanında olmaq nümunəsidir.
Artıq vətəndaşa dəyən ziyana görə dövlət yardımının verilməsi ilə bağlı işlər həyata keçirilməyə başlayıb və müvafiq qurumlar bu işlə məşğuldurlar. Bu, xalq-iqtidar birliyinin ən gözəl, ən bariz nümunələrindən biridir”.
İsmayıl
