"Problemli kredit məsələsinin həlli Milli Məclisin plenar və komitə iclaslarında dəfələrlə müzakirə olunub. İclaslara qatılan hökumət nümayəndələrinə bu məsələnin həlli ilə bağlı dəfələrlə təkliflər vermişik”.
Bunu "Sherg.az”a millət vəkili millət vəkili Rüfət Quliyev deyib.
O qeyd edib ki, bankların bu məsələdə güzəştə gedəcəyi gözlənilirdi. Çünki iqtisadiyyatın "qızıl” dövründə bankların hamısı kifayət qədər gəlir əldə ediblər :
"Problemli kreditlərin həcminin artmasında günahkar yenə də banklar idi. 25 faizlə kredit verəndə bilməli idilər ki, bu kreditlər geri qayıtmayacaq. Məhz bu səbəbdən problemli kredit məsələsi həllsiz bir prosesə çevrilmişdi.
Amma möhtərəm Prezident çox humanist və ədalətli yanaşaraq məsələnin ədalətli şəkildə yoluna qoyulması istiqamətində addım atdı. Ölkə başçısının bu cəsarətli addımı onu göstərdi, bu məmləkətdə belə problemləri yalnız Prezident öz siyasi iradəsi hesabına yoluna qoyur. Şübhəsiz ki, bu sərəncam yüz minlərlə insana kömək olacaq. Onların həm maddi, həm də psixoloji gərginliklərini aradan qaldıracaq.
Əlbəttə, hər kəs sevinir. Xalq bu sərəncamı böyük sevgi və sevinclə qarşıladı. Bu sərəncamla böyük bir problem öz həllini tapdı. İnsanlar, xalq çox razıdır. Prezident köməyə gəldi. Digər ölkələrdə belə addımlar atılmır. Deyirlər amma həll edə bilmirlər. Azərbaycan Prezidenti məsələyə müdaxilə etdi və onu yoluna qoydu”.
Ayyət Əhməd
