"Prezidentin sərəncamı ilə Azərbaycanda 2020-ci ilin könüllülər ili elan edilməsi mühüm hadisədir".
Bunu "Sherg.az"a "Vəfa" Sosial Problemlərin Həllinə Dəstək İB-nin sədri Fatimə Hacıbəyli deyib. Onun sözlərinə görə, Azərbaycanda könüllülərlə bağlı xüsüsi layihələr həyata keçiririlir. Onların potensialı olmasaydı Azərbaycanda bir sıra layihələri dünyanın diqqətini cəlb edən şəkildə həyata keçirmək mümkün olmazdı:
- Xatırladağ ki, 2015-ci il ilk Bakı Avropa oyunlarında, "Evrovision", Bakı İslam oyunlarında və bir sıra yarışlarda, layihələrdə könüllülərin müstəsna xidmətləri olub. Daha sonra bir sıra təşkilatlarda, qurumlarda, komitələrdə könüllülərin xidmətləri gğzə dəyib. Bu sərəncamın imzalanması həm də onu göstərir ki, Prezident könüllülərə, gənclərə xüsüsi qayğı və dəstəklə yanaşır. Məlumdur kı, könüllülər dəstəsində gənclər çalışır, ali məktəbdə oxuyan və məktəbi bitirən gənclər var. Bunlar əslində o deməkdir ki, onlar bu sahəni öyrənib gələcəkdə mütəxəssis, peşəkar kadra çevriləcəklər.
Turan
