Ötən il İraq və Suriyadan Azərbaycana 412 nəfər deportasiya edilib.
Trend-in məlumatına görə, bunu Əmək və Əhalinin Sosial Müdafiəsi Nazirliyinin Sosial Xidmətlər Agentliyinin İdarə Heyətinin sədri Vüqar Behbudov ilin yekunlarına dair bu gün keçirilən mətbuat konfransında deyib. O bildirib ki, deportasiya olunanlardan 380-i uşaq, 32 nəfər isə qadındır.
Bu il adıçəkilən ölkələrdən 66 nəfər Azərbaycana deportasiya edilib ki, onlardan 64 nəfər sığınacaqda yerləşdirilib və sonradan ailələrinə qaytarılıb.
