İngiltərədə aparılan yeni bir araşdırmaya görə, yumurtanı hansı üsulla bişirdiyiniz sizin şəxsiyyətiniz və həyat tərziniz haqqında maraqlı məlumatlar ortaya çıxarır.
Sherg.az xəbər verir ki, İngiltərə Yumurta Sənayesi Şurasının sifarişi ilə keçirilən sorğuda min nəfərdən çox yetkin iştirak edib. Nəticələr olduqca maraqlıdır:
Soyutma yumurta sevənlər
Poşe yumurta — qabıqsız və suda bişirilmiş yumurta növüdür. Riyazi model üzərindən aparılan analizə görə, soyutma yumurta ən çox iki uşaq atalarının sevimlisidir. Bu insanlar əsasən kiçik ailələrdən gəlir və bir bacı və ya qardaşla böyüyürlər. Xarici dünyaya açıq, ünsiyyətcil və şən olurlar. Onlar parlaq geyimləri və enerjili musiqiləri sevirlər. Bu qrupa daxil olan insanlar ümumilikdə daha xoşbəxt sayılır.
Yumurtanın qabığı ilə birlikdə qaynar suda bişirilməsi
Bu qrupa daxil olanların isə bir qədər mənfi xüsusiyyətlərə sahib olduğu deyilir. Onlar daha nizamsız, düşünülməmiş qərarlar verən və məsuliyyət hissi zəif olan insanlardır. Hədəf yönümlü deyillər. Statistikalar göstərir ki, qaynadılmış yumurta sevənlərin boşanma riski daha yüksəkdir. Əksəriyyəti qadınlardır.
Tavada yumurta sevənlər
Tavada bişmiş yumurta sevənlərin çoxu istedadlı kişilərdir. Onlar azad ruhlu, yaradıcı və yeniliyə açıq insanlar kimi xarakterizə olunur. Eyni zamanda, bu şəxslərin cinsi bilgilərinin daha geniş olduğu və ortalama libido səviyyəsindən yüksək olduqları da vurğulanır.
Qayğanaq yumurta sevənlər
Bu yumurta növünü seçənlər adətən uşağı olmayan, 29–39 yaş arasında olan gənc peşəkarlardır. Onlar adətən menecer və ya yüksək vəzifəli şəxslərdir. Psixoloji baxımdan daha az nevrotikdirlər – yəni qəzəb, kədər və ya narahatlıq hissini az yaşayırlar. Ancaq sosial cəhətdən daha qapalı və özünə qapanıandılar.
Omlet sevənlər
Omlet sevənlər daha etibarlı, səliqəli və intizamlı olurlar. Onların evləri qayda-qanun içindədir, həyat müddətləri daha uzun, boşanma riskləri isə daha aşağıdır. Orta sosial-iqtisadi təbəqəyə aiddirlər və əsasən Şeffild, Liverpul və ya Nyukasl şəhərlərində yaşayırlar.
