Ermənistan Baş naziri Nikol Paşinyan Qırğızıstan parlamentinin sədri Nurlanbek Turqunbek Ulunun başçılıq etdiyi nümayəndə heyətini qəbul edib.
Teleqraf xəbər verir ki, bu barədə Ermənistan KİV məlumat yayıb.
Baş nazir Qırğızıstan parlamenti sədrinin Ermənistana səfərini alqışlayıb və iki ölkə və xalqlar arasında möhkəm münasibətlər faktını vurğulayıb. Nikol Paşinyanın sözlərinə görə, iki ölkə siyasi, iqtisadi və mədəni sahələrdə əməkdaşlığı daha da inkişaf etdirmək üçün bunlara əsaslanmalıdır.
Qırğızıstan parlamentinin sədri Ermənistan parlamentariləri ilə sıx əməkdaşlıq qurduqlarını və onun səfərinin məqsədinin ikitərəfli əlaqələrə yeni təkan vermək olduğunu qeyd edib.
Həmsöhbətlər Ermənistan və Qırğızıstan parlamentlərarası dostluq qruplarının fəaliyyətini, ikitərəfli münasibətlərin gündəliyinin müxtəlif mövzularını, eləcə də regional məsələləri müzakirə ediblər.
