Qazaxıstanda tezliklə ölüm hökmü tam ləğv ediləcək.
Axar.az xəbər verir ki, bunu Qazaxıstan Prezidenti Qasım Jomart Tokayev deyib.
Tokayev ölkəsinin bunun üçün Mülki və Siyasi Haqlar haqqında Beynəlxalq Pakta qoşulacağını bildirib:
“Bizim hüquq müdafiəçilərimizin aktiv şəkildə qaldırdığı məsələlərin həlli zamanı çatıb. Daxili İşlər Nazirliyinə Mülki və Siyasi Haqlar haqqında Beynəlxalq Pakta qoşulmaq prosedurunun başladılmasına tapşırıq verirəm”.
Qeyd edək ki, 2003-cü ildən bu yana Qazaxıstanda ölüm hökmünə moratorium tətbiq olunub.
