Rusiya  Kalininqrada raket yerləşdirib-yerləşdirməyəcəyini heç kimlə müzakirə etməyəcək

Rusiya heç vaxt heç kimlə Kalininqrada raket yerləşdirib-yerləşdirməyəcəyi məsələsini müzakirə etməyəcək.

Axar.az xəbər verir ki, bu sözləri Kreml sözçüsü Dmitri Peskov deyib.

“Ona görə ki, Kalininqrad Rusiya ərazisidir”, - Peskov bildirib.

Onun sözlərinə görə, rus hərbçilər Donbasda və ümumiyyətlə Ukrayna torpağında mövcud deyil:

“Rusiya heç kimi hərbi fəaliyyəti ilə təhdid etmir, ancaq əks-tədbirlərə hazırdır”.

Qeyd edək ki, Rusiyanın Kalininqrada nüvə başlığı daşımaq imkanına malik İsgəndər-M raketlərini yerləşdirməsi Avropada narahatlıqla qarşılanmışdı.