Rusiya Prezidenti Vladimir Putinlə Səudiyyə Ərəbistanı vəliəhdi və Nazirlər Şurasının sədri Məhəmməd bin Salman əs-Səud arasında telefon danışığı baş tutub.
Axar.az xəbər verir ki, bu barədə Kremlin mətbuat xidmətindən məlumat verilib.
“Telefon danışığı zamanı Fələstin-İsrail münaqişəsi zonasındakı çətin vəziyyət müzakirə edilib, Rusiya və Səudiyyə Ərəbistanının Yaxın Şərq nizamlanması ilə bağlı prinsipial yanaşmalarının praktiki olaraq üst-üstə düşdüyü qeyd edilib”, - məlumatda bildirilib.
Bundan əlavə, Putin və Səudiyyə Ərəbistanının vəliəhd şahzadəsi Kazanda keçirilən uğurlu BRİKS sammiti kontekstində fikir mübadiləsi aparıb və şəxsi təmasları davam etdirmək barədə razılığa gəliblər.
