“2018-ci ildən bu yana oxşar proseslərin şahidi oluruq, açığını deyim ki, onları ciddi qəbul etmirik”.
Teleqraf xəbər verir ki, bunu Ermənistan parlamentinin spikeri Alen Simonyan deputatlar Ovik Ağazaryan və Akop Aslanyanın Baş nazir Nikol Paşinyanın impiçmenti ilə bağlı təşəbbüsünə istinad edərək bildirib.
O əlavə edib ki, hakim “Vətəndaş Müqaviləsi” Partiyasında hər kəs onların bu cəhdlərinə gülür:
“Sadəcə iki vətəndaş hansısa demokratik kütləni təmsil edə bilməz. Onlar “Vətəndaş Müqaviləsi”nin sayəsində deputat olublar. Əminəm ki, onlara səs verən insanlar növbəti dəfə səs verməyəcəklər. Heç bir şəkildə belə bir prosesə müraciət etmirik, müzakirə etmirik, vaxtaşırı bir-birimizə göndərib gülürük, müzakirələrimiz bununla məhdudlaşır”.
Xatırladaq ki, impiçment təşəbbüsü ilə çıxış edən deputatlar “Vətəndaş Müqaviləsi”nin keçmiş üzvləridir.
