Fransa millisinin baş məşqçisi Zinəddin Zidan UEFA Millətlər Liqasının A Liqasının 1-ci qrupunda Türkiyə yığması ilə keçiriləcək son tur qarşılaşması öncəsi Kylian Mbappenin vəziyyətinə aydınlıq gətirib.
Sherg.az xəbər verir ki, fransalı mütəxəssis mətbuat konfransında ulduz futbolçunun Türkiyə ilə matçda meydana çıxıb-çıxmayacağı ilə bağlı sualı cavablandırıb.
Zidan Mbappenin qarşılaşmada iştirak edəcəyini təsdiqləyib: “Bəli, Kylian Mbappe sabah oynayacaq”.
Fransa millisinin baş məşqçisi Türkiyə yığmasının güclü rəqib olduğunu da vurğulayıb. O, qarşılaşmanın asan keçməyəcəyini bildirərək komandasını diqqətli olmağa çağırıb.
“Türkiyə sabah bizə çətinlik yaradacaq. Diqqətli olmalıyıq”, – deyə Zidan qeyd edib.
Qeyd edək ki, Fransa və Türkiyə milliləri arasında UEFA Millətlər Liqasının A Liqasının 1-ci qrupunun son tur qarşılaşması noyabrın 15-də keçiriləcək.
