Belçikanın Müdafiə və Xarici Ticarət naziri Teo Franken Türkiyəyə səfər edib.
Teleqraf xəbər verir ki, o, səfər zamanı Belçika ilə Türkiyə arasında ikitərəfli əlaqələr, müdafiə sənayesi sahəsində əməkdaşlıq və regional məsələlərdən danışıb.
Türkiyənin NATO-nun ən qədim üzv dövlətlərindən biri olduğuna diqqət çəkən Franken rəsmi Ankaranı NATO-nun dostu və müttəfiqi adlandırıb: "Türkiyə qədim və müdrik bir ölkədir, Qərbin və NATO-nun dostu və müttəfiqidir. Düşünürəm ki, bu, deyiləcək ən vacib şeydir".
Belçikalı nazir bildirib ki, Türkiyə rahat coğrafiyada yerləşir, lakin buranın geosiyasi mövqeyinin son dərəcə mürəkkəbdir: "Türkiyə müdafiə sənayesi sahəsində model ölkədir. Həqiqətən əhəmiyyətli sərmayələr qoyurlar".
O, Türkiyə və Belçikanın sənaye sahəsində əməkdaşlığın artırılmasının vacib olduğunu deyib: "Ümid edirəm ki, bir həll yolu tapıb, gələcəkdə bu sahədə daha güclü əməkdaşlıq inkişaf etdirəcəyik".
O bildirib ki, növbəti ildə sözügedən sahə üzrə memarandum imzalana bilər.
