“Dünyada ərzaq qiymətləri kəskin şəkildə aşağı düşüb”.
“Report” xəbər verir ki, bunu BMT-nin Baş katibi Antonio Quterreş tviterdə yazıb.
O bildirib ki, buna rəğmən, qiymətlər ötən illə müqayisədə təxminən 8% yüksəkdir:
“Dünya bazarına taxıl daşınması artmalıdır ki, bazarlar daha da sabitləşsin”.
A.Quterreş, həmçinin “Taxıl sazişi”nin imzalanmasından bəri Ukraynadan dünyanın 29 ölkəsinə ümumilikdə 4,3 milyon taxılın ixrac olunduğunu vurğulayıb.
Qeyd edək ki, Rusiyanın Ukraynaya qarşı müharibəsi bu il fevralın 24-dən başlayıb. Nəticədə Ukrayna taxılının dünya bazarına çıxarılması mümkünsüz olub. İyul ayında isə İstanbulda Türkiyə, Rusiya, Ukrayna və BMT arasında baş tutan danışıqlar zamanı dünya ölkələrinə taxıl daşınmasına dair razılıq əldə olunub.
