Bu gün Cənubi Koreya və ABŞ Koreya yarımadası yaxınlığında son beş ildə ilk dəfə dörd günlük birgə dəniz təliminə başlayıblar.
“Report” xəbər verir ki, bu barədə “Yonhap” məlumat yayıb.
Bildirilib ki, təlimlərdə “Ronald Reyqan” aviadaşıyıcısının başçılıq etdiyi ABŞ zərbə təyyarədaşıyan qrupu iştirak edir. Bura həmçinin raket kreyseri “Chancellorsville” və “Barry” eskadra gəmisi daxildir. Təlimlərdə ABŞ-ın “Annapolis” sualtı nüvə gəmisinin də iştirakı planlaşdırılır.
Təlimlərdə gəmi əleyhinə və sualtı qayıqlara qarşı əməliyyatlar, taktiki manevrlər və digər hərəkətlər həyata keçiriləcək.
Agentlik qeyd edib ki, təlim Seul və Vaşinqtonun təhlükəsizlik sahəsində əməkdaşlığı gücləndirməsi fonunda başlayıb: “Təlimlər Pxenyanın nüvə sınağı və ya sualtı qayıqdan ballistik raket buraxılışı kimi təxribat xarakterli hərəkətlər edə biləcəyinə dair davamlı fərziyyələr fonunda start verib”.
