Gürcüstan parlamenti prezident seçkilərinin keçirilmə tarixini təsdiqləyib.
APA xəbər verir ki, parlamentin 85 üzvü səsvermədə iştirak etmək üçün qeydiyyatdan keçib. Qərarın lehinə 80 deputat səs verib, lehinə səs qeydə alınmayıb.
Seçkilər 14 dekabrda, andiçmə mərasimi isə 29 dekabrda keçiriləcək.
Gürcüstanın yeni prezidenti seçicilər kollegiyası tərəfindən 5 il müddətinə seçiləcək.
Spiker Şalva Papuaşvili parlamentin iclasında bildirib ki, hazırkı prezident Salome Zurabişvilinin səlahiyyət müddəti dekabrın 16-da başa çatır.
Qeyd edək ki, bu ildən Gürcüstanda prezident xalq seçkiləri yolu ilə deyil, parlament üzvlərinin də daxil olduğu seçicilər kollegiyası tərəfindən müəyyən ediləcək.
***
Gürcüstanda prezident seçkiləri 14 dekabrda keçiriləcək.
APA xəbər verir ki, bu barədə Gürcüstan parlamentinin sədri Şalva Papuaşvili bildirib.
Onun sözlərinə görə, andiçmə mərasimi isə 29 dekabrda baş tutacaq.
