Türkiyənin xarici işlər naziri Hakan Fidan ölkəsinin Ukraynadakı münaqişənin həlli yollarını axtarmağa davam edəcəyini bəyan edib.
Oxu.Az xəbər verir ki, bu barədə türkiyəli nazir finlandiyalı həmkarı Elina Valtonenlə görüşdən sonra açıqlama verib.
"Əminik ki, ədalətli və davamlı sülhə yalnız diplomatik vasitələrlə nail ola bilərik. Dialoq və danışıqlar yolu ilə sülhün əldə edilməsinə dair qətiyyətli mövqeyimiz dəyişməyəcək. Sülhün əldə olunmasında reallıq və tərəflərin maraqları nəzərə alınmalıdır", - Hakan Fidan deyib.
