İsrail Müdafiə Ordusu Beyrutun cənubunda Livan ərazisinə zərbə endirdiyini bəyan edib.
"Report" "The Times of Israel"ə istinadən xəbər verir ki, zərbə Əş-Şuveyfat rayonuna endirilib.
Təhlükəsizlik xidmətlərindəki mənbə İsrail zərbəsinin hədəfinin "Hizbullah"la birgə fəaliyyət göstərən "İmam Hüseyn" diviziyasının raket bölməsinin rəhbəri Əli əl-Hüsni ola biləcəyini bildirib.
Hazırda onun hücum nəticəsində ölüb-ölmədiyi məlum deyil. İsrail Müdafiə Ordusu sonradan əlavə məlumat verəcəklərini bildirib.
