"Prezident Donald Tramp Birləşmiş Ştatlara Tanrı tərəfindən göndərilmiş böyük dövlət xadimidir".
Oxu.Az "AKIPress"ə istinadla xəbər verir ki, bunu Qazaxıstan Prezidenti Kasım-Jomart Tokayev bəyan edib.
Qazaxıstan lideri ABŞ-də prezident seçkisində Trampın qələbəsindən düz bir il keçdiyini xatırladıb.
"Mən əminəm ki, siz böyük dövlət xadimisiniz, sağlam düşüncəni və bizim üçün qiymətli olan ənənəvi dəyərləri ABŞ-nin daxili və xarici siyasətinə qaytarmaq üçün Tanrı tərəfindən göndərilmisiniz", - deyə o bildirib.
Tokayev əlavə edib ki, ABŞ liderinin siyasətini bütün dünyada dəstəkləyirlər.
Xatırladaq ki, noyabrın 6-da Vaşinqtonda "Mərkəzi Asiya + ABŞ" (C5+1) sammiti keçirilib. Sammit çərçivəsində Qazaxıstan və ABŞ 17 milyard dollarlıq investisiya müqavilələri imzalayıblar.
