Rusiya müdafiə naziri Andrey Belousov Təhlükəsizlik Şurasının daimi üzvlərinin iclasında tammiqyaslı nüvə sınaqlarına dərhal hazırlıqlara başlamağı təklif edib.
APA-nın Moskva bürosunun xəbərinə görə, Belousov bildirib ki, ABŞ strateji hücum silahlarını fəal şəkildə artırır və strateji sabitlik müqavilələrindən ardıcıl olaraq çıxır.
Rusiya müdafiə naziri xəbərdarlıq edib ki, ABŞ yeni qitələrarası raket, strateji sualtı qayıq və buraxılış qurğuları hazırlamağı planlaşdırır.
Rusiya müdafiə naziri Prezident Vladimir Putinə Novaya Zemlya arxipelağında tammiqyaslı nüvə sınaqlarına hazırlıqlara başlamağı təklif edib.
