İyunun son həftəsindən Pakistana təsir edən musson yağışlarının yaratdığı daşqınlar nəticəsində ölənlərin sayı 111 nəfərə çatıb.
Publika.az xəbər verir ki, bu haqda Pakistanın Milli Fəlakətlərin İdarə Edilməsi İdarəsi məlumat yayıb.
İdarə musson yağışlarının Xayber Paxtunxva, Şərqi Pəncab, Sind və Bəlucistan əyalətlərinə təsirini davam etdirdiyini açıqlayıb.
Açıqlamada, son 48 saatda yağan yağışların səbəb olduğu daşqınlarda 7 nəfərin öldüyü, 12 nəfərin yaralandığı, bununla da 26 iyun-14 iyul tarixləri arasında ölənlərin sayının 111-ə, yaralıların sayının isə 212-yə çatdığı vurğulanıb.
Qeyd edək ki, hər il iyul-sentyabr ayları arasında Pakistanın bir çox şəhərlərinə təsir edən musson yağışları ölkə daxilində yüzlərlə insanın ölümünə və maddi itkilərə səbəb olur.
