Rafael Qrossi narahatdır: Moskvaya gedir
Beynəlxalq Atom Enerjisi Agentliyinin (MAQATE) baş direktoru Rafael Qrossi Zaporojye Atom Elektrik Stansiyasındakı (ZAES) vəziyyəti müzakirə etmək üçün gələn həftə Moskva və Kiyevə səfər edəcək.
Sherg.az Axar.az-a istinadən xəbər verir ki, bu barədə agentliyin saytında məlumat verilib.
"Baş direktor ZAES ətrafında nüvə təhlükəsizliyi zonasının razılaşdırılması və sürətlə həyata keçirilməsinə yönəlmiş məsləhətləşmələrini və digər səylərini davam etdirir. Onun gələn həftə Kiyev və Moskvaya səfəri gözlənilir", - bəyanatda deyilir.
Qeyd olunur ki, Qrossi ZAES yaxınlığında dəfələrlə mina partladılmasından çox narahatdır.
