Rusiya Ukraynaya qarşı müharibə başlayandan bəri xarici internet xidmətlərinə qarşı sərt addımlar atıb
Rusiya hakimiyyəti gələn il WhatsApp mesajlaşma xidmətini qadağan etməyi düşünməyə başlayıb.
Sherg.az xəbər verir ki, Rusiyalı senator Artyom Şeykin "RİA Novosti" dövlət xəbər agentliyinə açıqlama verib.
Bu qərarın səbəbi kimi yerli kəşfiyyat xidmətlərinin istifadəçi məlumatlarına çıxış əldə etmək istəməsi göstərilir.
Şeykin vurğulayıb ki, xarici şirkətlər Rusiya qanunlarına əməl etməlidir.
Bundan əlavə, parlamentin aşağı palatası olan Dövlət Dumasının deputatı Oleq Matveyçev hökumətyönlü “Parlamentskaya qazeta” qəzetinə deyib ki, “WhatsApp” “ekstremist və terror təşkilatları” tərəfindən istifadə olunur, lakin Rusiya xüsusi xidmət orqanları ilə əməkdaşlıqdan imtina edir.
Rusiya Ukraynaya qarşı müharibə başlayandan bəri xarici internet xidmətlərinə qarşı sərt addımlar atıb.
Facebook, Instagram və X kimi platformalar, həmçinin ən son Viber bloklanıb.
Belə bir addımın istifadəçilərə ciddi təsir edəcəyi şübhəsizdir.
WhatsApp ölkədə ən populyar mesajlaşma proqramıdır.
Müstəqil ictimai rəyi öyrənən Levada şirkətinin məlumatına görə, Meta şirkətinə məxsus bu proqram Rusiyada mesajlaşma istifadəçilərinin 72 faizi tərəfindən istifadə olunur. İkinci yerdə 51 faizlə Telegram gəlir.
