“Qarabağ”ın Bakıda Niderlandın “Ayaks”la keçiriləcək UEFA Çempionlar Liqasının əsas mərhələsinin VI tur oyununa hakim təyinatları açıqlanıb.
Teleqraf xəbər verir ki, Tofiq Bəhramov adına Respublika stadionunda keçiriləcək matç sloveniyadan olan hakimlər briqadasına həvalə olunub.
Görüşün baş hakimi Rade Obrenoviç olacaq.
FIFA referisinə Yure Praprotniklə Qreqa Kordej kömək göstərəcək. Dördüncü hakim funksiyasını Mateo Tozan yerinə yetirəcək.
VAR-da Matey Yuq, AVAR-da isə Alen Boroşak olacaq.
Qeyd edək ki, "Qarabağ" - "Ayaks" oyunu dekabrın 10-da keçiriləcək.
