Qardaş, bu binada necə yaşayasan ? - BİABIRÇILIQ

“Təəssüf ki, tikinti normaları çox ciddi şəkildə pozulur. Tikinti şirkətləri tikinti qaydalarına əməl etmir. Qaydalar gözəldir, ancaq onlara əməl edilməyəcəksə, heç bir faydası olmayacaq”
“Ötən əsrdə inşa edilmiş yaşayış binalarına baxın, demək olar hamısının geniş həyəti, ağacları, uşaqlar üçün oyun meydançaları var. Amma indikilər ancaq “göydələn”dir”

Tikinti şirkətlərinin qarşısına qoyulacaq yeni tələb çoxmərtəbəli binalar inşa edilərkən ərazinin 40, müstəsna hallarda 30 faizinin yaşıllıq olmasıdır. Bu barədə Bakı şəhər Yaşıllaşdırma Təsərrüfatı Birliyinin Bitkilərin Mühafizəsi şöbəsinin rəisi Orxan Məmmədov məlumat verib. Yeni qaydalar bütün tikinti şirkətlərinə şamil ediləcək. Tikinti şirkətləri qaydalara əməl edəcəkmi? Bugünkü vəziyyəti görəndə adamın heç inanmağı gəlmir. Dünən sosial şəbəkədə paytaxtda aparılan eybəcər tikintilərdən birinin fotosu yayılıb. Fotonu “Şərq” qəzetinin redaktoru Anar Bayramoğlu paylaşıb:- Gördüyünüz bu bina Xırdalanda səkidən 1 metr aralı tikilir. Sağı, solu, arxası da hündürmərtəbəli binalardır. Bina tam başa çatanda, arxada görünən binanın sakinləri gün üzünə həsrət qalacaqlar. O arxada görünən binanın da o biri tərəfində də hündürmərtəbəli binalar var. Binalar arasından bir maşın zorla keçir. Tam bir xaosdu. Ay başına dönüm, belə də tikinti olar? Başınıza yer qəhətdi? Nə maymak idarəçilər, memarlar, şəhər təsərrüfatı var. Həsənsoxdu dəyirmanına döndərirlər, yetər ki ciblərinə pul gəlsin. Foto geniş müzakirələrə səbəb olub. 
Sevil Gultən: Bəs deyirlər bizdə şəhərsalmaya nəzarət edən qurum var?
Anar Bayramoğlu: Görünən odur ki yoxdur...
Elçin Bayramlı: “Pazor”du ey, “pazor”. O binalarda ev almaq axmaqlıqdı. Əgər hamı ağıllı olsa, orada ev almasa, belə eşşəklik edə bilməzlər.
Anar Bayramoğlu: Haqlısan. Amma sən o tikilməkdə olan binadan ev tapa bilməzsən, hamısı satılıb.
Elçin Bayramlı: Onda elə düz edirlər onlara.
Səbuhi Axundov: Akif müəllim, nətəri işləyirsə, Xırdalanı tikə-tikə gedirlər. Adam qabağına məqsəd qoyub ki, tikilməyən yol kənarı qalmayacaq.
Səbuhi Axundov: Bir dənə yolları qayranmellar. Niyə qayranmerlər onu bilmirəm.
Samirə Əhmədova: Ordan ev alanın ağlı yoxdu axı.
Vüsal Yusubov: Qardaş, sən haqlısan, dəhşətdi, bu binada necə yaşayasan?
Natiq Cavadlı: Həsənsoxdu dəyirmanına çeviriblər ölkəni.
Aynil Camal: Bizim ev təmirsiz nə gündədi, amma anam satıb əsla belə yerdən ev almaq istəməyib heç vaxt…
Müstəqil Memarlar Assosiasiyasının rəhbəri Zemfira Budaqova isə bu fikirdədir ki, yeni tələblərə əməl edilsə, şəhərin ümumi görünüşü də nümunəvi olar: Təəssüf ki, tikinti normaları çox ciddi şəkildə pozulur.
Tikinti şirkətləri tikinti qaydalarına əməl etmir. Paytaxtdakı yeni tikililərin bir çoxunun nə həyəti var, nə yaşıllıq sahəsi.O binalarda mənzil alanlar istarahət etmək üçün binanın həyətindən deyil, kənar ərazilərdəki parklardan istifadə etmək məcburiyyətində qalır. Ötən əsrdə inşa edilmiş yaşayış binalarına baxın, demək olar hamısının geniş həyəti, ağacları, uşaqlar üçün oyun meydançaları var. Amma indikilər ancaq “göydələn”dir. Binaların bir-birinə çox yaxın, hətta deyərdim ki, çox sıx məsafədə inşa olunması sakinləri aldatmaqdır. Bir mənzilə ki, gün işığı düşmür, hava axını dövran eləmir, o mənzildə yaşamaq xəstəlikdən başqa bir şey deyil. Qaydalar gözəldir, ancaq onlara əməl edilməyəcəksə, heç bir faydası olmayacaq.