Niderland Rusiya nümayəndəliklərində diplomat kimi akkreditə olunmuş 17 nəfəri ölkədən çıxarır.
"Report" xəbər verir ki, bu barədə krallığın Xarici İşlər Nazirliyinin (XİN) yaydığı məlumatda deyilir.
Nazirlikdən verilən məlumata görə, qovulmaya səbəb bu şəxslərin gizli şəkildə kəşfiyyat fəaliyyəti həyata keçirdiklərini göstərən hərbi kəşfiyyat və təhlükəsizlik xidmətlərindən alınan məlumatlar olub.
XİN əlavə edib ki, bu şəxslərin ölkədə olması arzuolunmaz hesab edilib və onların ölkədən çıxarılması milli təhlükəsizliyin qorunması tədbirləri kontekstində həyata keçirilir.
Bundan əvvəl Avropa İttifaqının bir sıra digər ölkələri, o cümlədən Çexiya, İrlandiya, Bolqarıstan, Latviya, Litva, Polşa, Slovakiya və Estoniya rusiyalı diplomatların ölkədən çıxarıldığını bəyan edib.
18:25
Belçika Rusiyanın 21 diplomatını ölkədən çıxarır.
"Report" "RİA Novosti"yə istinadən xəbər verir ki, bunu Belçikanın xarici işlər naziri Sofi Vilmes deyib.
Onlar casusluq və ya krallığın təhlükəsizliyini təhlükə altına atmaq iddiası ilə ölkədən uzaqlaşdırılır.
Buna baxmayaraq, rəsmi Moskva ilə diplomatik kanallar açıq qalır.
