Zelenski müddətli hərbi qulluqçuların prezident sərəncamı ilə tərxis olunmasını təklif edib
Ukrayna Prezidenti Volodimir Zelenski Ali Radaya müddətli həqiqi hərbi xidmət hərbi qulluqçularının ordudan tərxis olunması ilə bağlı qanun layihəsi təqdim edib.
“Report” xəbər verir ki, bu barədə Ukrayna KİV-i məlumat yayıb.
Bu qanun layihəsi ilə təklif edilir ki, səfərbərlik zamanı hərbi vəziyyətin qüvvədə olduğu müddətdə hərbi xidmət müddəti başa çatmış və hərbi xidmət müddəti uzadılmış müddətli həqiqi hərbi xidmət hərbi qulluqçuları prezidentin sərəncamı ilə müəyyən edilmiş müddətdə ehtiyata buraxılsınlar.