Politoloq: İranda xalqın mənafeyinə xidmət edəcəyini vəd edən ikinci prezidentin olduğunu xatırlamıram
09:31 30.07.2024
Siyasət
596
Bu gün İranın yeni seçilmiş prezidenti Məsud Pezeşkianın andiçmə mərasimi baş tutur.
İranın yeni prezidentinin andiçmə mərasimində 80 ölkədən nümayəndə iştirak edəcək. Tədbirdə 2 prezident, 4 baş nazir, 11 spiker, 4 vitse-spiker olmaqla 80 ölkədən nümayəndə heyəti iştirak edəcək.
Eyni zamanda “İranın əziz dostu” Ermənistanın Baş naziri Nikol Paşinyan da yeni Prezidenti Məsud Pezeşkianın andiçmə mərasimində iştirak etmək məqsədilə Tehrana yollanıb.
O, Ayətullah Xamenei ilə görüşüb. Baş nazir daha sonra İran Prezidenti Məsud Pezeşkianla da görüşüb.
Mövzu ilə bağlı “Sherg.az”a danışan politoloq Natiq Miri bildirib ki, İranda Məsud Pezeşkianın andiçmə mərasiminə qoşulan ölkələrin sayı o qədər də çox deyil:
“Həmin dövlətlər İranla bilavasitə normal münasibətləri və bütün sahələr üzrə əməkdaşlığı olan ölkələrdir. Qərb dünyasından hansısa dövlət rəsmisinin sözügedən tədbirə qatıldığını görmürük. Bu təkcə Məsud Pezeşkianın şəxsiyyətinə münasibət deyil, eyni zamanda İran dövlətinə, onun rejiminə və siyasətinə olan yanaşmadır. Andiçmə mərasiminin səviyyəsi oradan iştirak edəcək dövlətlərin sayı və statusuna görə ölçülür. Məsud Pezeşkian bundan əvvəlki prezident və kursundan fərqli olaraq yeni bir isimdir. Bir növ dırnaqarası islahatlar qanadını təmsil edir. Bu isə Məsud Pezeşkianın bütün dünya dövlətlərinə və güc mərkəzlərinə açıq şəxs olduğunu göstərir. Bu bütövlükdə İran rejiminin, xüsusilə də Ali Rəhbəri Əli Xameneinin yeni taktiki gedişinin təzahürüdür. Yəni İranla Qərb dünyası arasında yaranan gərginliklər rəsmi Tehranın iqtisadiyyatında ciddi sıxıntılara gətirib çıxarıb. Həmin kontekstdə İrana tətbiq edilən iqtisadi sanksiyalar var. Ona görə də İranın yenidən dünyaya açılmasına ehtiyac var ki, Məsud Pezeşkianın prezidentliyə namizədliyinin təsdiqlənməsi də məhz buna hesablanmışdı. Təbii ki, Məsud Pezeşkian ona olan inamdan irəli gələrək xalqın etimadını qazanıb. İranda rejimin razı olmadığı heç bir namizəd seçki prosesinə qatıla bilməz. Məsud bəyin timsalında xalqın İranın daxilində müəyyən sahələr üzrə dəyişiklik ola biləcəyi inancı yarandı. Bu kontekstdə daxili siyasətdə Məsud Pezeşkian müəyyən dəyişikliklər etməyə çalışacaq. Çünki hökumət başçısıdır və sözügedən məsələdə müəyyən mənada müstəqilliyi var. Ən azından iqtisadiyyatın dirçəldilməsi, iş yerlərinin açılması və dünya dövlətləri ilə əlaqələrin tənzimlənməsi fonunda yeni bazarlara çıxış, istehsalın artırılması yönündə irəliləyiş əldə edə bilər. Bu isə İrandakı cəmiyyətin rifahına öz təsirini göstərəcək. İndiyə qədər xalqın mənafeyinə xidmət edəcəyini vəd edən ikinci prezidentin olduğunu xatırlamıram”.
Analitiki vurğulayıb ki, Məsud Pezeşkianın xarici siyasətdə konkret fundamental dəyişikliklər etmək imkanı yoxdur:
“Çünki bu siyasəti Ali Ruhani Xamenei müəyyənləşdirir. İstər strateji, istərsə də taktiki yöndə bütün siyasət Ali Ruhani səviyyəsində müəyyən olunur, sadəcə olaraq icra etmək hökumətə tapşırılır. Ancaq Avroatlantik Qərb məkanı ABŞ və Avropa Birliyi ilə münasibətləri tənzimləyən üçün yeni demokratik yöndə dəyərləndirən simaya ehtiyac var idi. Məsud Pezeşkian həmin şəxs ola bilər. Gələcəkdə Məsud Pezeşkianın fərqli siyasət yürütdüyü görünərsə, Qərb dünyası yeni hökumətə qarşı müsbət mənada addımlar atar. Bu isə danışıqların başlamasına və münasibətlərin normallaşmasına qədər prosesləri inkişaf etdirə bilər. Əgər imkan versələr, Məsud Pezeşkian bu məsələnin öhdəsindən gələ biləcək mənəvi, siyasi dəyərlərə sahib şəxsdir. Eyni zamanda Məsud Pezeşkianın siyasəti qonşu dövlətlərlə bərabər türk dünyası ilə də münasibətləri daha da inkişaf etdirmək istəyidir. Belə bir inkişaf İranın xeyrinə olacaq".
Oxşar xəbərlər
Xəbər lenti
Hamısına bax
Çinli gənc milyarder sərvətinin 90 faizini itirdi
19:55 21.11.2026
Dünya
“Qalatasaray” “Samsunspor”u məğlub edərək yeni rekorda imza atıb
19:23 21.11.2026
Futbol
Türkiyədə zəncirvari qəza: 14 nəfər yaralandı
19:03 21.11.2026
Hadisə
Aktrisa boşandığı həyat yoldaşı ilə yenidən bir arada - FOTO
18:51 21.11.2026
Şou
Zelenski: ABŞ Ukrayna və Rusiya ilə yeni danışıqlar planlaşdırır
18:36 21.11.2026
Dünya
Kral III Çarlz Türkiyəyə COP31-ə ev sahibliyinə görə təşəkkür etdi
18:32 21.11.2026
Aktual
Qazaxda kişi dəm qazından boğularaq ölüb
18:21 21.11.2026
Hadisə
Daha bir Vətən müharibəsi qazisi əmək qabiliyyətini bərpa edib
18:03 21.11.2026
Cəmiyyət
Tramp Putinin də G20 sammitində iştirakını gözləyir
17:45 21.11.2026
Dünya
ABŞ Rusiyada doğulan şəxsi deportasiya etmək istəyir
17:43 21.11.2026
Dünya
“Şəfa” “Qəbələ”yə qarşı, “Turan Tovuz”dan qələbə - Yenilənir
17:26 21.11.2026
Futbol
“Turan Tovuz” azlıqda “Şamaxı”ya qalib gəldi
16:42 21.11.2026
Futbol
Küləkli hava şəraiti ilə bağlı SARI XƏBƏRDARLIQ verilib
16:28 21.11.2026
Ekologiya