Fransanın paytaxtı Parisdə Türkiyə Cümhuriyyətinin qurucusu Mustafa Kamal Atatürkün büstünün açılışı olub.
Sherg.az xəbər verir ki, büst Fransada ilk Atatürk büstüdür.
Yunus Əmrə İnstitutunun, Xaricdəki Türklər və Qohum İcma Rəhbərliyinin Mədəniyyət və Tanıtım Məsləhətçiliyinin töhfələri və Paris Trabzonlular Dərnəyinin səyləri nəticəsində açılış mərasimi keçirilib.
Trabzon Dərnəyinin sədri Bülent Cumurun açılış nitqi ilə başlayan mərasimə Türkiyə və Fransadan yüksək səviyyəli diplomatlar, siyasətçilər, bürokratlar və iş adamları qatılıb.
Mərasimdə Türkiyənin Parisdəki səfiri Yunus Dəmirer və Epinay Bələdiyyə Başçısı Herve Çevreau da iştirak edib.
Səfir Dəmirer çıxışında fransız komandiri Şarl de Qollun 1968-ci ildə Türkiyəyə səfərinə toxunaraq onun Atatürkə heyran olduğunu vurğulayıb. Dəmirer bu mühüm təşəbbüsü həyata keçirən bütün qurumlara, başda Trabzonlular Dərnəyinə təşəkkür edib.
Epinay-sur-Seine bölgəsindəki Trabzon Dərnəyi binasının qarşısında 1,1 metr uzunluğunda beton plint üzərində yüksələn 80 santimetrlik tunc Atatürk büstü ilə Türkiyənin mədəni və mənəvi irsini qorumaq məqsədi daşıyır. Abidə Fransada ilk Atatürk büstü olma xüsusiyyətinə malikdir.
