Kaliforniyada tüğyan edən meşə yanğınları güclü külək səbəbindən daha da şiddətlənə bilər.
Teleqraf.com xəbər verir ki, vəziyyətlə bağlı BBC Milli Hava Xidmətinə istinadən məlumat yayıb.
Qeyd olunub ki, hazırda küləyin sürəti saatda 110 kilometrə çatır.
Aktiv yanğın ocaqlarından üçünü hələ də söndürmək mümkün olmayıb.
Əməliyyatlar nəticəsində Pasifik Palisadesdə yanğının cəmi 13 faizi nəzarətə alınıb.
Meşə yanğınları 24 nəfərin həyatına son qoyub.
Bununla yanaşı, ərazidə yerləşən 2300-dən çox binaya ziyan dəyib, onlardan 879-u tamamilə dağılıb.
