“Milli Məclisin Elm və təhsil komitəsinin 2022-ci il yaz sessiyası üçün İş planına “Vətənpərvərlik təhsili haqqında” qanun layihəsi daxil edilib”.
Bunu APA-ya açıqlamasında Milli Məclisin Elm və təhsil komitəsinin sədri Bəxtiyar Əliyev deyib.
O bildirib ki, bu qanun layihəsinin hazırlanması istiqamətində işlər gedir, bəzi dəqiqləşmələr aparılır: “Yəqin ki, yaz sessiyası müddətində də bu layihə üzərində iş davam etdiriləcək”.
Komitə sədri qeyd edib ki, qanun layihəsinin hazırlanması üçün hələ İşçi Qrup yaradılmayıb: “İşçi Qrupun yaradılması nəzərdə tutulur. Çünki bütün materialların toplanması ilə bağlı həm şöbələr, həm də komitə üzvləri işləyirlər. Biz də həm də ictimaiyyətin rəyini nəzərə alırıq, cəmiyyətdə gedən prosesləri izləyirik”.
