Şəki rayonunda intihar hadisəsi baş verib. Bu barədə hüquq mühafizə orqanlarından məlumat verilib.
Rayonun Bideyiz kənd sakini Cumay İbadullayev yaşadığı evin həyətində özünü asıb. Mərhumun beş övladı var.
Təəssüf ki, intiharların səbəbi araşdırılıb, çıxış yolları üçün mətbuatda müəyyən fikirlər səsləndirilsə də, vəziyyət dəyişmir. Xoşagəlməz halların aradan qaldırılması istiqamətində geniş maarifləndirmə aparılsa da, mövcud durum günü-gündən pisləşir.
Hadisə barədə “Sherg.az”a danışan jurnalist Aygün Muradxanlı belə hadisələrin mətbuatda tirajlanmasına qarşı olduğunu deyib:
“Avropda və inkişaf etmiş bütün ölkələrdə çoxdan sübut edilib ki, intihar haqqında yazmaq olmaz. Çünki bu barədə xəbər tirajlamaq jurnalistikanın etik kodeksinə ziddir. İntihar barədə yazmaq o deməkdir ki, insanlara çıxış yolu göstəririk, yəni belə bir çıxış yolu var, buna da əl ata bilərsiz. Ona görə də bu barədə xəbərlər yaymaq düzgün deyil”.
