Antalyanın Serik rayonunda güclü yağışın yaratdığı sürüşmədə qaya parçası 2 mərtəbəli evə çırpılaraq dağıntılar törədib. Burcu-Şövkət Kuşçu cütlüyü uşaqlarının məktəbə gedə bilmədiklərini və qayanın evin qapısını bağladığı üçün işə gedə bilmədiklərini bildirib.
Sherg.az xəbər verir ki, Antalyanın Serik məhəlləsində gecə saat 04:00 radələrində yağan həddindən artıq yağış səbəbindən torpaq sürüşməsi baş verib. Sürüşən qaya təpənin yanındakı 2 mərtəbəli evin qapısına çırpılıb.
Zərərli evdə qapalı qalan Burcu-Şövkət Kuşçu cütlüyü 112 Təcili Zəng Mərkəzinə zəng edərək kömək istəyib.
Ev sakinlərindən Şevket Kuşçu yağışın gecə boyu təsirli olduğunu bildirib.
Gecə titrəyişlə oyandıqlarını ifadə edən Kuşçu deyib: "Səhər böyük bir səs-küy oldu. Zəlzələ olduğunu düşündük. Qapını açanda böyük bir qaya parçası gördük. Qaya parçası evin qapısını bağlamışdı".
Həyat yoldaşı Burcu Kuşçu da övladlarının məktəbə gedə bilmədiyini və qayanın evin qapısını bağladığı üçün işə gedə bilmədiklərini bildirib.
