Salyan rayonunun Qarabağlı kəndində avtomobilin vurduğu piyada xəstəxanada ölüb.
APA-nın Mil-Muğan bürosunun məlumatına görə, mayın 21-də Salyan rayonunun Qarabağlı kəndində "Mercedes" markalı avtomobilin vurduğu kənd sakini, 1979-cu il təvəllüdlü Vəliyev Azad Əlisahib oğlu ağır kəllə-beyin travması alaraq Şirvan şəhər mərkəzi xəstəxanasının reanimasiya şöbəsinə yerləşdirilib.
Həkimlərin səyinə baxmayaraq 42 yaşlı yaralını xilas etmək mümkün olmayıb.
O, aldığı ağır xəsarətlərdən reanimasiya şöbəsində bu gün saat 9.00-da vəfat edib.
21 may saat 22:23
Salyanda piyadanın vurulması ilə nəticələnən yol qəzası baş verib.
APA-nın Mil-Muğan bürosunun məlumatına görə, hadisə Salyan rayonunun Qarabağlı kəndində qeydə alınıb.
Qəza nəticəsində “Mercedes” markalı avtomobil Qarabağlı kənd sakini, 1979-cu il təvəllüdlü Vəliyev Azad Əlisahib oğlunu vurub.
O, ağır kəllə-beyin travması ilə Şirvan şəhər xəstəxanasının reanimasiya şöbəsinə yerləşdirilib. Vəziyyətinin ağır olduğu bildirilir.
Faktla bağlı Salyan Polis şöbəsində araşdırma aparılır.
