Şəkidə 5 nəfəri it dişləyib.
APA-nın xəbərinə görə, hadisə dünən qeydə alınıb.
TƏBİB-dən APA-nın sorğusuna cavab olaraq, bildirilib ki, dünən saat 21:00 radələrindən başlayaraq it dişləməsi səbəbilə 5 nəfər (4 kişi, 1 qadın) Şəki Rayon Mərkəzi Xəstəxanasının Təcili tibbi yardım şöbəsinə müraciət edib.
Bildirilib ki, pasiyentlərin hər birinə zəruri tibbi xidmətlər göstərilib və quduzluq əleyhinə vaksin tətbiq edilib. Vəziyyətləri stabil qiymətləndirilən pasiyentlərə həkim nəzarətində peyvənd kursunu davam etdirmələri tövsiyə olunaraq ambulator müalicə üçün evə buraxılıblar.
