Yaponiya hakimiyyət orqanları qədim tikililərə ziyan vuran yerli olmayan “invaziv” dələləri məhv etmək qərarına gəliblər.
Sherg.az xəbər verir ki, çoxlu taxta məbədin yerləşdiyi Kamakura şəhər hökumətinin dələ problemini həll etmək üçün təxminən 50 min dollar xərcləmək istədiyi açıqlandı.
"Mainichi" qəzetinin yazdığına görə, yerli hökumət sakinlərə qəfəslər verməyi, turistlərə dələlərə yem verməməyi və dələləri məhv edəcək insanları işə götürməyi söyləyən plakatlar asmağı planlaşdırır.
Kamakuradakı ətraf mühit fəalları da invaziv növlərin Yaponiyanın biomüxtəlifliyinə yaratdığı təhlükəni qəbul edir və onların məhv edilməsinə dəstək verirlər.
Hazırda Yaponiyada 150-dən çox heyvan və bitki növü invaziv sayılır və ətraf mühit nazirliyi tərəfindən siyahıya salınıb.
