Politoloq: Azərbaycan tərəfi hər zaman çalışıb ki, İranla münasibətlər normal olsun
Yusif Sultanoğlu
05:02 30.07.2024
Siyasət
567
Pezeşkian bu gün and içəcək, biz də oradayıq
Bu gün İranın yeni Prezidenti Məsud Pezeşkianın andiçmə mərasimi keçiriləcək. Yeni prezidentin andiçmə mərasiminin qərargah rəhbəri Əlirza Şərifi deyib ki, müxtəlif ölkələrin 70-dən çox nümayəndəsi İranın 9-cu Prezidenti Məsud Pezeşkianın andiçmə mərasimində iştirak etmək üçün Tehrana gəlib. Bildirilib ki, ilk gələn qonaqlar arasında Nigeriya, Monqolustan, Malta və Liviyadan olan rəsmilər var. İyulun 30-da Pezeşkianın andiçmə mərasimində iştirak məqsədilə daha çox xarici nümayəndənin Tehrana gələcəyi deyilir. Qeyd edək ki, Məsud Pezeşkianın rəsmi andiçmə mərasimi ölkə rəsmiləri, xarici ölkələrin səfirləri və xarici diplomatların iştirakı ilə parlamentdə keçiriləcək. Andiçmədə Tacikistan, Türkmənistan, Mərkəzi Afrika, Pakistan, Suriya, Serbiya, Kuba, Azərbaycan, Ermənistan, Gürcüstan və Qvineya-Bisau prezident və baş nazir səviyyəsində iştirak edəcək. Azərbaycanı andiçmə mərasimində Baş nazir Əli Əsədov və Azərbaycan-İran parlamentlərarası işçi qrupunun üzvlərinin təmsil edəcəyi deyilir. Məlum olduğu kimi mərhum Prezident İbrahim Rəisinin dövründə Azərbaycan-İran münasibətləri kifayət qədər gərginləşmişdi. Son dönəmlər Bakı-Tehran arasında buzlar əriməyə doğru gedir. Xüsusən, azərbaycanlı Məsud Pezeşkianın prezident seçilməsi və Tehran səfirliyinin fəaliyyətə başlaması ikili əlaqələrin normallaşacağı ehtimalını artırır.
Politoloq Turab Rzayev "Sherg.az"a açıqlamasında deyib ki, Azərbaycan tərəfi hər zaman çalışıb ki, İranla münasibətlər normal olsun və heç bir problem yaşanmasın. Analitik vurğulayıb ki, münasibətlər hər zaman İran tərəfindən pozulub:
"Hətta İran tərəfindən ikili əlaqələrimizə xələl gətiriləndə, Tehran İrəvanı dəstəkləyəndə, silahlandıranda belə çalışmışıq ki, əlaqələri mümkün qədər normallaşdıraq. Azərbaycan rəhbərliyi, digər yüksəkranqlı rəsmilər İranla münasibətləri dəyərləndiriblər. İran prezidentini Azərbaycana dəvət etdik. Prezident İlham Əliyev özü İrana səfərə gedəcəyini bildirdi. İndi də yüksək səviyyədə Pezeşkianın andiçmə mərasimində təmsil olunuruq. Tehran hökumətinin ardıcıl olaraq Azərbaycanı təhdid etməsi, Zəngəzur dəhlizinə qarşı çıxması münasibətləri pozmuşdu. Əgər İran tərəfi də əlaqələrin yaxşı olmasında maraqlı və səmimidirsə, pozucu addımlardan, təxribatçı açıqlamalardan əl çəkməlidir".
Ekspertə görə, İran Pezeşkianı irəli sürməklə liberal, demokrat, islahatçı hakimiyyət vitrini formalaşdırır:
"Pezeşkianın iddia etdiyi kimi, qonşularla, daha doğrusu, Azərbaycanla əməkdaşlıqda üzərinə düşəni edərsə, münasibətlər normallaşar. Əfsuslar ki, biz İranda prezidentlərin Azərbaycan əleyhinə açıqlamasını görmüşük. Tehran hökuməti dəfələrlə Bakının mövqeyinə zidd yanaşmalar ortaya qoyub. Bu şəkildə davam edərsə, münasibətlər pozula, yenidən pisləşə bilər".
Oxşar xəbərlər
Xəbər lenti
Hamısına bax
Mübariz Əhmədoglu təcili üzr istəməlidir - Kamran Ramazanlı
20:21 21.11.2026
Cəmiyyət
Çinli gənc milyarder sərvətinin 90 faizini itirdi
19:55 21.11.2026
Dünya
“Qalatasaray” “Samsunspor”u məğlub edərək yeni rekorda imza atıb
19:23 21.11.2026
Futbol
Türkiyədə zəncirvari qəza: 14 nəfər yaralandı
19:03 21.11.2026
Hadisə
Aktrisa boşandığı həyat yoldaşı ilə yenidən bir arada - FOTO
18:51 21.11.2026
Şou
Zelenski: ABŞ Ukrayna və Rusiya ilə yeni danışıqlar planlaşdırır
18:36 21.11.2026
Dünya
Kral III Çarlz Türkiyəyə COP31-ə ev sahibliyinə görə təşəkkür etdi
18:32 21.11.2026
Aktual
Qazaxda kişi dəm qazından boğularaq ölüb
18:21 21.11.2026
Hadisə
Daha bir Vətən müharibəsi qazisi əmək qabiliyyətini bərpa edib
18:03 21.11.2026
Cəmiyyət
Tramp Putinin də G20 sammitində iştirakını gözləyir
17:45 21.11.2026
Dünya
ABŞ Rusiyada doğulan şəxsi deportasiya etmək istəyir
17:43 21.11.2026
Dünya
“Şəfa” “Qəbələ”yə qarşı, “Turan Tovuz”dan qələbə - Yenilənir
17:26 21.11.2026
Futbol
“Turan Tovuz” azlıqda “Şamaxı”ya qalib gəldi
16:42 21.11.2026
Futbol