İspaniya "Barselona"sının futbolçusu Samuel Yumtitinin Fransa "Renn"inə transferi baş tutmayıb.
"Report" "Diario Sport"a istinadən xəbər verir ki, 29 yaşlı müdafiəçi tibbi müayinədən keçə bilməyib.
Bu, Kataloniya təmsilçisinin rəhbərliyini məyus edib.
Qeyd edək ki, Samuel Yumtiti 2016-cı ildən "Barselona"da çıxış edir. Fransalı oyunçunun klubla müqaviləsi 2026-cı ildə başa çatmalıdır.
