Azərbaycan Mərkəzi Bankı qiymətli kağızlar bazarında onlayn satışın təşkil olunması üçün bir neçə investisiya şirkəti ilə danışıqlar aparır.
“Report” xəbər verir ki, bunu qurumun sədri Taleh Kazımov onlayn rejimdə keçirdiyi mətbuat konfrasında bildirib.
"Ümidvarıq ki, orta müddətdə bu istiqamətdə yeni məlumatlar verəcəyik. Sözsüz başa düşürük ki, qonşu ölkələrdə beynəlxalq təcrübə bu sahədə çox aktiv inkişaf edib və biz də istərdik ki, qiymətli kağızlar bazarında rəqəmsal səhmlər və istiqrazların alınıb-satılması həyata keçirilsin", - deyə o, əlavə edib.
