"Geri ödənilmənin həyata keçirilməsi üçün Azərbaycan ərazisində istehsal olunacaq xarici filmlərin istehsalına xərclənən minimum məbləğlər müəyyən edilib.
Teleqraf xəbər verir ki, bunu Azərbaycan Respublikası Kino Agentliyinin (ARKA) baş direktoru Rəşad Əzizov 2025-ci il tarixində Azərbaycan Respublikasının Kino Agentliyi tərəfindən "Filmlərin istehsalı üçün çəkilmiş xərclərin qismən geri ödənilməsi" ilə bağlı media konfransında deyib.
Rəşad Əzizovun sözlərinə görə geri ödənilmə üçün minimal məbləğ bədii film üçün 200 min dollar, sənədli film üçün 50 min dollar, animasiya filmləri üçün isə 100 min dollar təşkil etməlidir. O, geri ödənilmə sisteminin geniş büdcəli filmləri əhatə edəcəyini bildirib.
