Bu gün Tərtər rayonuna səfər edən xarici ölkələrin Azərbaycandakı diplomatik korpusun nümayəndələri Şıxarx qəsəbəsində tinglər əkiblər.
“Report” xəbər verir ki, mərasim zamanı Tərtər Rayon İcra Hakimiyyətinin başçısı Müstəqim Məmmədov qəsəbənin hələ Birinci Qarabağ müharibəsi dövründə işğalçı Ermənistan tərəfindən viran qoyulduğunu bildirib.
“İndi Azərbaycan bu əraziləri gələcək nəsillər üçün bərpa edir”, - o deyib.
