Qlobal istiləşmə səbəbindən orta temperaturun iki dərəcə yüksəlməsi təkcə ABŞ-da hər il təxminən 2100 əlavə ölüm halına səbəb ola bilər.
Lenta.ru-nun məlumatına görə, Kolumbiya və Harvard Universitetinin alimləri bu qənaətə gəlib.
Tədqiqatçılar 1980-ci ildən 2017-ci ilə qədər Havay adaları və Alyaskadan başqa materikin hər bir ştatında xəsarətlərdən ölənlərin sayını araşdırıblar. Yaralanmalar boğulma və avtomobil qəzaları, habelə zorakılıq və intihar kimi təsadüfi hadisələrlə əlaqələndirilib.
Məlum olub ki, havanın temperaturunun artması gənclər arasında ölüm hallarının daha çox olmasına səbəb olub.
Eyni zamanda, ən həssas qrup kişilərdir: hava istiliyinin 1,5 dərəcəyə qədər artması ilə əlaqədar 1600 əlavə ölüm halından 1200 nəfərini təşkil edirlər.
Elm adamları inanırlar ki, isti hava insanları açıq havada daha çox vaxt keçirməyə məcbur edir, bu da qəza ehtimalını artırır. Bundan əlavə, yüksək temperatur ruhi pozğunluqların kəskinləşməsinə və alkoqollu içkilərin daha çox istifadəsinə şərait yaradır.