ABŞ-da "qəribə baxışlarına" görə heyvanlar sığınacağına verilən və 2 ildir kimsənin sahiblənmədiyi Xaski cinsli it gündəm olub. Facebookda yayılan romantik bir elanın ardından itə sahiblənmək üçün 150 nəfər müraciət edib.
Sherg.az xarici mediaya istinadən xəbər verir ki, Jubilee adlı 4 yaşlı Sibir qurdu (Xaski) bir az əvvəl eyni cinsli it saxlayan bir ailəyə verilib.
"Husky House" adlı heyvanxananın səlahiyyətlisi, göz qapaqlarındakı problem üzündən çaş gözlə baxan iti onlara 2018-ci ildə bir it saxlayan tərəfindən buraxıldığını söyləyir.
Səlahiyyətlinin sözlərinə görə, sahibi iti buraxarkən "Gözləri həddindən artıq qəribə olduğu üçün heyvanı satmaq şansım yoxdur" deyib.
![](https://sherg.az/uploads/editor/cddd088d35e9c9e3d97eedff27263443.jpg)
Sağlamlıq problemi olmayan itə iki il kimsə sahiblənmədiyi üçün sığınacaq keçən çərşənbə axşamı Facebookda bir elan verir.
Elanda bu sözlər qeyd olunur:
"Qəribə baxışlı olduğum üçün sığınacağa verdilər. Xaski fövqəladə itlərdir. Amma mən bilmirəm niyə onlara bənzəmədim. Kaş ki, gözəl olsaydım, indi kimsə məni evinə götürərdi" .
Sığınacaq səlahiyyətlisi CNN-ə verdiyi aşıqlamada mesajlarının ictimai mediada böyük maraq görməsinə çaşdıqlarını ifadə edərək "Hər kəsin bizim kimi, onun gözəl olduğunu düşünməsi bizi çox sevindirdi" deyə bildirib.
![](https://sherg.az/uploads/editor/fa536f8b95da800b78fddd0a58694ea3.jpg)
Jubileenin şənbə günü bir ailəyə təslim edildiyi məlum olub.
Turan