Bəzən yuyucu vasitələrlə nə qədər bilək gücünüzdən istifadə etməyə çalışsanız da qablardakı yanıq izlərini çıxartmaq qeyri-mümkündür. Bu səbəbdən hətta həmin əşyaları atmaq məcburiyyətində qalmalı olursunuz.
Axşam.az türk mediasına istinadən xəbər verir ki, adi gündəlik istifadə etdiyiniz çayla bu problemə son qoya bilərsiniz.
Bunun üçün dəmləmə və ya paket çayı yanıq, yağ ləkələri olan qazana (tavaya) qoyub üzərinə isti su əlavə edin. Ləkənin böyüklüyü və qaba hopduğu dərəcədən asılı olaraq 15 dəqiqə və ya bir gecə gözləyin.
Daha sonra həmin suyu boşaldıb axar suyun altında saxlayın. Bütün ləkələrin təmizləndiyini görəcəksiniz.
