Adananın Karataş rayonunda oyun oynayarkən itkin düşən 7 yaşlı Cumali Timinin cansız bədəni tapılıb.
Sherg.az xəbər verir ki, rayonun Bahçə məhəlləsində mövsümi kənd təsərrüfatı işlərində çalışan Karanfil (27) və İbrahim Timi (28) cütlüyünün iki uşağından böyüyü olan Cumali, 12 aprel səhəri dostları ilə oyun oynamaq üçün çadırdan çıxmış, lakin ondan bir daha xəbər alınmamışdı. Ailəsi Cumalini tapa bilmədikdə dərhal jandarmaya məlumat verib.
Əraziyə jandarma və AFAD qrupları cəlb edilib. Cumali Timinin ev ayaqqabısı suvarma kanalının kənarından tapılıb və iz axtaran it də həmin bölgəyə reaksiya verib.
Kanal və ətrafında 162 nəfərlik personal və 37 quru nəqliyyat vasitəsi ilə genişmiqyaslı axtarış aparılıb. Jandarma, polis və AFAD-ın su altı axtarış-xilasetmə qrupları kanalda qayıqlarla axtarış aparıblar. Həmçinin bir cayrokopter və iki dron da havadan axtarışlara dəstək verib.
Axtarışların 6-cı günündə ailəsi Cumalinin tezliklə tapılması üçün dua edirdi.
7 yaşlı Cumali Timinin cansız bədəni, yaşadıqları çadırın yaxınlığındakı suvarma kanalında, su altı polis qrupları tərəfindən tapılıb. Cəsəd otopsiya üçün morqa aparılıb.
