ABŞ-da COVİD-19-un JN.1 variantına yoluxma son iki həftədə iki dəfə artıb, Ölkədə virus infeksiyasına yoluxanların 44%-də məhz bu ştam aşkarlanıb, Xəstəxanada müalicəyə götürülənlərin sayında 10,4%-lik artım var. Əsas səbəb kimi amerikalılarda vaksinasiya prosesində aktivliyin azalması göstərilir.
Qafqazinfo” xəbər verir ki, bu haqda Ümumdünya Səhiyyə Təşkilatı (ÜST) artan statistika barədə məlumat yayıb. “JN.1” adlı virus dünyanın bir çox ölkəsində, o cümlədən Hindistan, Çin və ABŞ-də aşkarlanıb.
Nəzərə alsaq ki, qarşıdan tətillər gəlir, ölkə daxili və xaricdə istirahətə gedənlər daha da çoxalacaq. Sual ortaya çıxır. Virusa qarşı hansı tədbirlər görməliyik? Bu virusun Azərbaycana yayılma ehtimalı varmı? Qapanmalar ola bilərmi?
Sualımıza cavab tapmaq üçün Tibb və fəlsəfə elmləri doktoru, tanınmış həkim Şəmsiyyə Namazlı ilə əlaqə saxladıq.
O “Sherg.az”a bildirdi ki, viruslar hava damcı yolu ilə keçir :
"Ümumiyyətlə, virusun yayılmasının qarşısını almaq üçün xəstənin otağı, istifadə etdiyi əşyalar və yediyi qablar ayrılmalıdır. Bütün dünya dəhşətli virusdan qurtuldu. Təbii ki, covid-19-un ştamları tədricən müşahidə ediləcək. Bayramla əlaqədar xarici ölkəyə səfər edənlər artacaq. Bu səbəbdən Azərbaycanda bu virusa yoluxanların olması qaçınılmazdır. Ancaq hazırda Azərbaycanda JN.1 adlı virusa tutulan yoxdur. Bununla bağlı Səhiyyə Nazirliyi tərəfindən məlumat verilməyib. Bele bir stiuasiya yaranarsa, mütləq xaricdən gələnlər yoxlanmalıdır. Əvvəlki kimi vaksinasiyaya ehtiyyac yaranacaq. Burda da hər infeksiyadan necə qorunurduqsa, həmin təlimatlara əməl etməliyik. Məsələn, maskadan istifadə etmək, məsafəni gözləmək, əllərimizi təmiz saxlayaraq tez-tez yumaq, limonlu bol maye qəbul etmək, zəncəfildən istifadə etmək vacibdir. Əlavə olaraq, təbii aspirin dediyimiz qırmızı moruqdan bolluca qəbul etmək lazımdır. Yaxşı olardı ki, xüsusi ilə bu dövrdə uşaqdan böyüyə hər kəs immun sistemini gücləndirmək üçün yarım stəkan suya 1-2 damcı yod əlavə edib içsin. Bu vasitə həm infeksiyalardan qorunmağa kömək edir, həm də müqaviməti antioksidantı artırır. Mənə elə gəlir ki, böyük narahatçılığa ehtiyyac yoxdur".
