Xüsusilə mövsümi keçidlər zamanı havanın temperaturunun birdən-birə yüksəlməsi və azalmasının xəstəliklərin sürətlə yayılmasına səbəb olduğu bildirilib.
Sherg.az xəbər verir ki, Türkiyə Səhiyyə Nazirliyi Sincan Təhsil və Araşdırma xəstəxanasında yoluxucu xəstəliklər və klinik mikrobiologiya mütəxəssisi olaraq çalışan Prof. Dr. Fatma Aybala Altay havaların qəfil isinməsi və soyumasının camaat arasında xəstəlik səbəbi kimi göründüyünü, əsl səbəbin isə virus və bakteriyalar olduğunu vurğulayıb.
Soyuq havanın dolayı yolla immun sistemini təsir etdiyini bildirən Altay, "Ani soyuq havaya tək məruz qalma insanı birbaşa xəstə etməz. Bunun baş verməsi üçün bakteriya və ya virusa məruz qalmaq lazımdır" deyə bildirib.
Soyuq hava ilə əlaqədar rütubətin azalmasının tənəffüs yollarında qoruyucu maneələri zəiflətdiyini və mikrobların orqanizmə daxil olmasını asanlaşdırdığını bildirən Altay deyib: “Soyuq və küləkli havalarda xəstə insanların burun və ağızlarından öskürdüyü və ya asqırdığı mikro səviyyəli damlacıqlar havada daha çox yayılır və daha yüksək rütubətli yerlərdə daha çox yayılır bu damcıların havada hərəkət etməsi çətindir”.
Prof. Dr. Altay soyuq havada qapalı və insanların sıx olduğu yerlərdə daha çox vaxt keçirməyin xəstəliklərin yayılmasını sürətləndirdiyini, D vitamini çatışmazlığının da immunitet sistemini zəiflətdiyini, qrip, soyuqdəymə kimi xəstəliklərə tutulma riskini artırdığını bildirib.
İmmunitet sistemini gücləndirmək üçün D vitamini ilə zəngin qidaların istehlak edilməsi lazım olduğuna diqqət çəkən Altay, həmçinin kifayət qədər və nizamlı yatmağı, kifayət qədər su istehlak etməyə diqqət etməyi, ətrafdakı rütubəti qorumağı, əlləri tez-tez yumağı, öskürən və asqıran zaman ağız və burnu örtməyi, insanların sıx olduğu və qapalı yerlərdə maskalardan istifadə etməyi tövsiyə edib.
Prof. Dr. Altay, sağlam insanların immun sistemini gücləndirmək üçün əlavə qidalara ehtiyacı olmadığına diqqət çəkərək bunları qeyd edib: "Təbii qidalanma, tərəvəz və meyvələrin istisna edilmədiyi bir pəhrizdə zatən minerallar və vitaminlər balanslı şəkildə olur. Bununla belə, yaşlılar, qidalanma problemi olanlar və bəzi xroniki xəstələr üçün vitamin əlavələri gərəkli ola bilir. Belə adamlar həkim məsələhəti ilə hərəkət etməlidir."
