ABŞ Kənd Təsərrüfatı Nazirliyi, "istehlak üçün yararsız" olan süd verən inəklərin üzərində apardığı sınaq nəticəsində "inəyin ət toxumasında quş qripi (H5N1) hissəciklərinin aşkar edildiyini" bildiribi.
Sherg.az xəbər verir ki, ABŞ-da daha əvvəl bəzi inəklərin südündə quş qripi (H5N1) aşkar edilmişdi və bu inəklərin çiy südünü istehlak edən bəzi pişiklərin öldüyü açıqlanmışdı.
Dünən verdiyi açıqlamada ABŞ Kənd Təsərrüfatı Nazirliyi (USDA) istehlak üçün yararsız olduğu təsbit edilən 96 südlük inəyi sınaqdan keçirdiklərini bildiriblər: "Mayın 22-də bir inəkdən alınan əzələ də daxil olmaqla toxuma nümunələrində virus hissəcikləri aşkar edilib. Bu günə qədər 95 inəkdən alınan nümunələr neqativ çıxmışdır. Bu südlük mal-qaranın heç bir əti ərzaq ehtiyatına daxil olmayıb".
Martın 25-də ABŞ-da süd verən inəkdə quş qripi testinin müsbət çıxdığı açıqlanıb və davam edən süd inək epidemiyası ilə əlaqədar ABŞ-da iki ferma işçisinin də testlərinin müsbət çıxdığı bildirilib. Texasda quş qripi üçün müsbət nəticə verən ilk süd fermasında yaşayan pişiklərin yarıdan çoxu yoluxmuş inəklərdən çiy süd içdikdən sonra ölüb.
