Yayın gəlişi ilə temperatur da yüksəlir. İsti havalarda qidalanmamıza fikir verməməkdən savayı, ən böyük problemimiz susuzluqdur.
Bədənimizin çox hissəsi sudan ibarətdir. Bu nisbət insandan insana, yaşa, bədən quruluşuna, kişi və ya qadın olmasına görə, dəyişir. Kişilərdə bu nisbət təxminən %55-65, qadınlarda isə %50-60 arasındadır. Bədəndə su itkisi çox ciddi nəticələrə səbəb ola bilər.
"Sherg.az" su içməyə mane olan bir sıra səbəbləri açıqlayır:
Çay və qəhvə kimi çoxlu içkilər içmək - çoxlu çay və kofe içiriksə, özümüzə bir qayda qoymalıyıq. Hər içdiyimiz çay və ya qəhvədən sonra bir stəkan su qəbul etmədən ikinci çay və ya kofeyə keçmək olmaz.
Çoxlu qonaq qəbul etmək - qonağa su təklif etmək onu təhqir etmək kimi qəbul edilir. Ona görə də su istəyən qonaq belə çay və ya kofe içməyə məcbur qalır. Yaxşı olar ki, çay, qəhvəmizlə birlikdə özümüzə və ya qonağımıza bir stəkan su gətirək.
Həmçinin suya limon qataraq, darçın və ya ətirli bitki əlavə edib, dadını dəyişdirərək içməyə çalışırıq. Nəticədə suyun təbii dadını unuduruq.
Yemək zamanı su içməyin yanlış olduğuna inanmaq - yemək zamanı maye qəbul etmək istəyiriksə, suya üstünlük verməyə çalışaq. Beləliklə, yeməkdən daha çox dad və ləzzət ala bilərik.
Arıqlamaq üçün yeməkdən əvvəl ac qarına 2 stəkan su içməyə çalışmaq və suya qarşı yarana ikrah hissi - yeməkdən dərhal əvvəl acqarına su içməyək. Yemək zamanı da içmək olar.
Çoxlu meyvə yemək - meyvələrdə bol maye olduğuna görə, su içmək istəyimiz gizli şəkildə azala bilər.
Nəzərə almaq lazımdır ki, lazımından artıq su içməyə çalışmaq da bir müddət sonra maye istəyimizi azaldacaq. Hətta qarşısını alacaq. Bədənimiz su istəmirsə, 3 litr su içsək belə, heç bir faydasını görməyəcəyik.
Həmçinin də gün ərzində ən azı 2,5-3 litr su içməli olduğumuz deyilir. Çox düzgün ifadədir, amma su içmək istəmiriksə, ilk növbədə, səbəbləri aradan qaldırmalıyıq. Əks halda bu, sadəcə su içməyə nifrət hissi yaradır.
Mənbə: CNN Türk
