Kremlin sözçüsü Dmitri Peskov bu gün jurnalistlərlə görüşüb.
"Sherg.az" "CNN"ə istinadən xəbər verir ki, sözçü danışıqların ikinci raundundan bəhs edib:
"Dünən ikinci raund baş tutub. İndi hər şey bu danışıqlardan asılı idi. Nümayəndə heyətləri mövqelərini lazımsız vasitəçilər olmadan bir-birinə izah etmək imkanı əldə edib. Bizim məqsədlərimiz Ukrayna tərəfinin diqqətinə çatdırılıb".
D.Peskov tərəflərin hər hansı ali səviyyəli saziş imzalaması ehtimalı ilə bağlı suala cavab verib:
"Hələlik hər hansı bir sənədin imzalanması ilə bağlı söhbət yoxdur. Baş verən danışıqlar mövcud problemə baxışımızı açıq şəkildə çatdırmaq üçün yaxşı fürsət idi".
Cəmilə ƏZİM