Beynəlxalq Miqrasiya Təşkilatının Azərbaycanda regional təlim mərkəzi yaradıla bilər.
“Report” xəbər verir ki, bunu Beynəlxalq Miqrasiya Təşkilatının Baş direktoru Antonio Vitorino martın 1-də Azərbaycan Prezidenti İlham Əliyevin qəbulunda olarkən deyib.
O, regional təlim mərkəzinin yaradılmasının vacibliyini qeyd edib, bu mərkəzin həm Azərbaycanda, həm də region ölkələrində imkanların artırılmasına və peşəkar kadrların hazırlanmasına töhfə verəcəyini deyib.
Görüşdə həmçinin azərbaycanlı mütəxəssislərin Beynəlxalq Miqrasiya Təşkilatında və BMT-nin digər strukturlarında təmsilçiliyinin artırılmasının vacibliyi də vurğulanıb.